nataluga

Усё новае - гэта добра засвоенае і пераасэнсаванае старое. Таму, каб не хварэць на залішні "крэаціў" і "аўтарскае бачанне" у плане ткацтва паясоў, перыядычна займаюся капіяваннем і рэплікацыяй вузкарэгіянальных аўтэнтычных экземпляраў. Дарэчы, гэты выдатная прафілактыка занудна-стандартных колеравых вырашэнняў :)
( Collapse )

Пояс, тканы "паркамі" на бердзечку, амаль што копія непадпісанага пояса з закрамоў музея НАН РБ. У арыгінале замест аранжавага колеру - ярка-ружовы.


Пояс паводле Валожынскіх, каларыстыка максімальна набліжана, арнамент тыповы.




Трыо з Дзятлаўшчыны, першыя два захавалі арыгінальныя колеры.


Украінская крайка (рэпліка). Ткацтва на кроснах "у саржу" з мікраэлементамі закладнога.


Крайка, цяпер ужо з нашага боку (Кобрыншчына). Ткацтва на бердзечку, воўна. Копія.

13 снежня (пятніца) уцяпляемся на МАЙСТАР-КЛАСЕ ПА ВАЛЯННІ РУКАВІЦ! Пачатак а 18.00. З сабою трэба мець 100-150 гр кардачасанай воўны улюбёнага колеру. Неабходнае абсталяванне будзе на месцы. Узнёсак удзельніка 180.000.
Увага! Колькасць месцаў абмежаваная. Жадаючыя - адпісвайцеся ў каментарах!

Тадааааам!
Назбіраўшы пэўны досвед у ткацтве на бердзечку паясоў і ня толькі, не магу трываць - дзялюся!!!

29 лістапада а 18.00 запрашаю ўсіх жадаючых на МАЙСТАР-КЛАС ПА ТКАЦТВЕ НА БЕРДЗЕЧКУ.
Раскажу і пакажу:
- як снаваць і ткаць "паркамі";
- як ткаць двухколерныя ўзоры з пераменай колеру;
- як ткаць чатырохнітовыя вырабы з дапамогай дадатковых нітоў (калі застанецца час).

З сабою пажадана мець бердзечка, ніткі будуць на месцы. Пачатковы досвед ткацтва вітаецца!
Узнёсак 90.000. Папярэдні запіс абавязковы (па тэлефоне ці паведамленнем).

15 лістапада пад дэвізам "УСІМ ПА ШАПЦЫ!" валяем магеркі і брылі! Пачатак а 18.00.
Узнёсак на майстар-клас 250.000. Усё неабходнае абсталяванне і воўна - на месцы.

Колькасць месцаў абмежаваная! Жадаючыя - адпісвайцеся ў каментары.

Originally posted by kot_de_azur at Кто какая нечисть по знаку зодиака?

Нарэшце я дабралася да цэпелінаў. Ну кашешне, гатаваць цэпеліны трэба менавіта тады, калі ў малой рэжуцца зубы і настрой ейны зусім не пазітыўны...
( Collapse )

Аказваецца, НТВ паказвае ня толькі крымінал і кулінарныя шоў :)))))

Белорусы нарядились в ковбоев и залихватски скачут по полям // НТВ.Ru
Некоторые жители Белоруссии предпочли покинуть опостылевшую реальность и перевоплотиться в ковбоев и прекрасных дам. Правда, вместо Дикого Запада приходится довольствоваться белорусскими лесами да полями. НТВ.Ru: новости, видео, программы телеканала НТВ http://www.ntv.ru/novosti/574517/

Вось так мы з Бусінай беглі ў фінал)))

http://vk.com/video11974820_164999568 - а тутака ў дынаміцы.

а меджду протчым (с), у нас з Бусінай чацьверты рэзультат на сёння... Шэсць фіналістаў, тры прызавых месцы - заўтра будзе бітва! :)))

Учора завітала для мяне мадам з дачкой з незвычайнай просьбай - дапамагчы з убраньнем для нейкага міжнароднага конкурсу прыгажосьці, а ў прыватнасці для дэфіле ў нацыянальных строях. ( Collapse )
Пра патрабаваньні да касцюму пані Натальля нічога ўцямнага сказаць не змагла, акрамя таго, што ён павінен быць "стылізаваны". Паколькі выраз "стылізаваны беларускі нацыянальны строй" у мяне вызывае толькі асацыяцыі з чарговымі Белхудожпромаўскімі шэдэўрамі, васількамі і саломай на галаве, я прапанавала у турба-рэжыме (ага, за тыдзень) пашыць гарсэцік і андарак і пазычыць свае кашулю з фартухом - якія, дарэчы, ужо двойчы ездзілі на падобныя конкурсы. Кіслы выраз твару канкурсанткі даў зразумець, што шыты рукамі "правільны" строй зусім ня сэксі і "не катіт". Ізноў жа, на прытаньне "чаго душа патрабуе?" адказу я не дачулася. Як правільны дызайнер, ггг, я палезла ў тырнет глядзець, у чым звычайна выступаюць розныя "Міскі"... і тут у этнаграфічна выхаванага мастацкага густу здарыўся калапс...
http://www.yaplakal.com/forum2/topic286334.html
http://news.online.ua/547348/uchastnitsy-miss-vselennaya-2012-v-natsionalnyh-kostyumah-36-foto/

Рэзюмэ для тых, хто паленаваўся глядзець фоткі: нацыянальны строй ва ўяўленні арганізатараў і ўдзельнікаў конкурсаў прыгажосці мусіць адлюстроўваць асаблівасці краіны - флору, фауну, архітэктуру, спорт, колеры сцягаў, нацыянальныя стэрэатыпы і брэнды...

АБН Мадам перагаварыла з дырэктарам мерапрыемства - андаракі катэгарычна не вітаюцца (канешне, дзіцяці гадоў гэдак 13 проста неабходна дэманстраваць ногі!).

А ЦЯПЕР ПЫТАНЬНЕ!!! :))
Што б вы размясцілі на строі беларускай удзельніцы?

Мае варыянты:
- зубра
- двух буслоў (і буслянку на галаву замест вяночку)
- гарнітур з чырвона-зялёным гальштукам і вусы
- арнамент з выявай нацыянальнай бібліятэкі
- трактар "Беларусь"

Чакаю ў каментах вашыя дызайны! ;)