 |
|
|
|
|
|
|
РМГА "Студэнцкае этнаграфічнае таварыства" ласкава запрашае на прэзентацыю кнігі В. Селівончык "Ткацтва на дошчачках".  Прэзентацыя мае адбыцца 11 лістапада а 17.00 ў актавай залі абласной Бібліятэкі імя Пушкіна (вул.Гікалы, 4, каля ЦУМа). У праграме прэзентацыі: - сустрэча з аўтарам і калектывам стваральнікаў кнігі, - майстар-клас па ткацтву паясоў, - народныя спевы, інструментальная музыка, - фотапрэзентацыя. На прэзентацыі можна набыць кнігу са зьніжкай! (колькасць танных экземпляраў абмежаваная) Чакаем усіх сяброў!!!
|
|
|
|
|
|
|
|
|
|
|
|
|
|
Урррррррррррррра!!! Атрымалася, атрымалася! Той самы смак, той самы колер! Гэта я аб Grape Jelly, тым самым вінаградным жэле, каторае прадавалася ў любым супэрмаркеце за $1.50, каторае так смачна есьці разам з арахісавым маслам, намазаўшы на пульхны “мерыканьскі” хлеб! Падумаць толькі, гэта было шэсьць год таму... Усё проста: 1. Бярэм звычайны вясковы вінаград ціпа ізабэлы і награваем ягады на вадзяной бані, аж пакуль усе ягады палопаюцца і пойдзе сок. 2. Адціскаем сок у рондаль, дадаем цукар (на літр соку я насыпала недзе шклянку цукру). 3. Гатуем на малым агні, пакуль сок троху не загусцее (з маім гаротным літрам гэты было хвілін сорак). Калі варыць ужо надакучыла, лыжку соку выліваем на сподачак: калі загусне, астываючы, то дастаткова. 4. Пераліваем у слоікі і студзім. Пакуль стыне, бяжым па арахісавае масла і тоставы хлеб. Enjoy the taste of America! :) Tags: ніфіга-не-літоўская-гаспадыня, рэцэпт
|
|
|
|
|
|
|
|
|
|
|
|
|
|
вот будзет лета паедзем на дачу у рукі лапаты (і далей па тэксту...) пасьля амаль тыдня на вёсцы і паўдня калупаньня малін на дачы працаваць неяк ну зусім не хоцца... таму працягваю вотпузг і зьнікаю да серады... а пасьля яшчэ на тыдзень... а пасьля на два... а там ужо і восень... ЗЫ а ногі ў мяне красівыя-прэкрасівыя - тут табе і камары, і мурашкі, і крапіва, і лазаньне па маліньніку, і педыкюр "вясковы фрэнч" - з чорнымі палоскамі. цешуся думкамі аб прыроднай прыгажосьці ЗЗЫ а едзем мы на Сьвіііііііііііііііііцязь!!! мамкі з дзеткамі катэгарычна вітаюцца! жадаючым - адкаментавацца не пазьней як у нядзелю па абедзе. і яшчэ ЗЫ: катэгарычна вітаюцца людзі з ахтамабілямі! ;) Tags: абы запосьціць, адпачынак з дзіцем, лета
|
|
|
|
|
|
|
|
|
|
|
|
|
|
|
|
|
брудныя і загарэлыя, пакусаныя камарамі і аваднямі, наетыя смажанымі баравікамі-лісічкамі ды з сінімі ад чарніц пальцамі. купаліся, загараліся, моклі пад дажджом і сядзелі ў лужынах, гатавалі ў печы і спалі на падлозе. рук ня мылі, хіба толькі ў расе і возеры, лавілі жаб, зьбіралі грыбы, бачылі зьмяю, хадзілі босыя, пілі сырадой, елі што патрапіцца, а трапляліся блінцы на сыроватцы са згушчонкай і чарніцамі, тушонка і гарохавыя камы... шкада, нельга выспацца пра запас... шкада, трэба вяртацца ў горад... Tags: Браслаўшчына, адпачынак з дзіцем, грыбы, лес, лета
|
|
|
|
|
|
|
|
|
|
|
|
|
|
Набегацца па горадзе, наваляцца шалікаў і рукавічак да страты прытомнасці, прыехаць дамоў далёка за поўнач... кайф. Заўтра можна і працаваць. Выраб лямцу - шыкоўны фітнэс. Здаецца, і не напружваесься, творчасьцю займаесься, а ручкі-ножкі-сьпінка працуюць, як на найлепшым трэнажоры. А каб падтрымаць эфект ад занятку, павячэраць салаткай: агурок, радыс, крэс-салата з ільняным алеем - вітамінкі аж пішчаць. :) Tags: йа-электравенік, крэатыў, рэцэпт
|
|
|
|
|
|
|
|
|
|
|
|
|
|
|
|
|
А мы, а мы... А мы сёньня зь Янікам конна каталіся! Троху баяўся, канешне, дый мама ўпершыню самастойна канём руліла, але было сапраўды класна, нягледзячы на паскуднае надвор’е. Зьмерзьлі як цуцыкі, стоячы на прыпынку: сіняя мама і такі ж сіні сын у касьцюме ісламскага тэрарыста (чытай: мамін чорны швэдар да пят, а каўнер-хамут з-пад капюшону тырчыць на манер барады добра заросшага гнома). А так - файна. Лес, паветра, і жывое цяпло... Tags: адпачынак з дзіцем, коні, лес, сын
|
|
|
|
|
|
|
|
|
|
|
|
|
|
|
|
|
Вершык-пацешка "Цілі-бом!" у выкананьні Яніка. Транскрыпцыя выканаўцы. Ціі-бом! Ціі-бом! Агаеся косікі дом! Косіка выцікія! Газя упуція! Бізіт куіцька с відом! А сабацька піміём! А ясятка са фаём! Ясь! Ясь! Агонь агась! Занавес. Апладысменты. Tags: Ян-балбатун, мамскае
|
|
|
|
|
|
|
|
|
|
|
|
|
|
|
|
|
З 2001 году я пасьпяхова знасіла тры пары берцаў. Сапраўды ўніверсальны абутак: і ў гразі, і ў князі :) Паміж імі калі-некалі зьяўляліся і казакі, і звычайныя "класічаскія" гаўнатопы а-ля Белвест, і стрыпцізёрскія боты (оооо, як я іх любіла! і як перажывала, калі будучы на 5-м месяцы цяжарнасьці, адламала абцас падчас скокаў на братавым вясельлі...) Але кожны раз, ідучы па "эврыдэйны" абутак, я вяртаюся з берцамі. На гэтым тыдні я пасьпяхова забіла апошнія. Сёньня я зразумела, што ўсё, дзяцінства скончылася - пара абувацца як салідная "бізнэс-лэдзі замужам з дзіцем". І набыла (дзякуй мужу!) элегантныя дамскія замшавыя... БЕРЦЫ!!! :))) ( туп-туп )Tags: бабскія штучкі
|
|
|
|
|
|
|
|
|
|
|
|
|
|
|
|
|
Нарэшце ў маім жыцьці зьявіўся новы каханы. Мы пазнаёміліся зусім нядаўна, але, мне здаецца, гэта вельмі сур’ёзна. Ён мужны, надзейны, friendly (выбачайце, аж мову займае - не магу словаў падабраць). Зь ім адчуваеш адначасова і свабоду, і абароненасьць... Хочацца глядзець на яго, слухаць, адчуваць пакуль нясьмелыя дотыкі пальцаў... гэткае простае жаночае шчасьце... Tags: бабскія штучкі, любофф-маркофф
|
|
|
|
|
|
|
|
|
|
|
|
![[info]](http://l-stat.livejournal.com/img/userinfo.gif){kind=small}
nataluga
Previous
